Qazaqstan sportshylary Bahreınde ótken Bahrain International Series 2024 halyqaralyq týrnırinde úzdik nátıje kórsetti, dep habarlaıdy Egemen.kz.
Álemniń túkpir-túkpirinen úzdik sportshylardyń basyn qosqan týrnırde Qazaqstannyń eki ókili - Dmıtrıı Panarın men Aısha Jumabek aralas juptyq sanatta jeńimpaz atandy. Qazaq dýeti 4 match ótkizip, altyn júldege ıe boldy.
Fınalda bul jup Úndi dýeti Kona Tarýn men Shrı Krıshna Prııa Kýdaravallımen kezdesti. Panarın men Jumabek 21-18, 21-15 esebimen aralas juptar sanatynda altyn medal jeńip aldy.
Odan bólek, Dmıtrıı Panarın jeke sanatta qola medal jeńip aldy.
Erler arasyndaǵy jekeleı synda ol alǵashqy eki raýndta jeńiske jetti: 1/32 fınalda Saıed Ebrahım Hasanmen: 21-10, 21-11, al 1/16 fınalda Ahmad Aldjalladpen: 21-11, 21-8.
Osylaısha, Dmıtrıı Panarın Manamada qola medal jeńip aldy. Buǵan deıin Panarın Zambııada altyn júlde alǵan edi.