Batys Qazaqstan oblysynda jol apatynan eki adam kóz jumdy. Bul týraly BQO PD baspasóz qyzmetinen málim boldy, dep habarlaıdy Egemen.kz.
PD málimetinshe, oqıǵa 26 qarasha kúni shamamen 17:15-te Bórli aýdanynda boldy.
«Bórli-Aqsaı-Jympıty avtojolynyń 7-shaqyrymynda «Nissan Murano» avtokóliginiń júrgizýshisi tizginge ıe bola almaı, kólik aýdarylyp qalǵan. Júrgizýshi men avtokólikte otyrǵan jolaýshy oqıǵa ornynda jan tapsyrdy», delingen habarlamada.
Oqıǵanyń mán-jaıy anyqtalyp jatyr.