AQSh prezıdenti bolyp saılanǵan Donald Tramp ońtústik shekara arqyly ótetin barlyq taýarǵa 25 paıyzdyq baj salyǵyn engizetin bolsa, Meksıkadan ımporttalatyn azyq-túlik ónimderi edáýir qymbattaýy múmkin, dep habarlaıdy Egemen.kz NBC News-ke silteme jasap.
Kalıfornııa-Devıs ýnıversıtetiniń málimeti boıynsha, Meksıka - AQSh úshin qyzanaq, avokado, tańqýraı, bolgar buryshy jáne qulpynaıdyń jetekshi sheteldik jetkizýshisi.
Aıta keteıik, 2000 jáne 2021 jyldar aralyǵynda Meksıkanyń Amerıka Qurama Shtattaryna baý-baqsha eksportynyń quny tórt ese ósken.
Sonymen qatar Amerıka turǵyndary úshin №1 tanymal «Corona» jáne «Modelo» syralary qymbattaýy múmkin.
Ekonomıster D.Tramptyń tarıftik saıasaty ınflıasııany týdyrýy múmkin dep alańdap otyr. Osylaısha josparlanǵan tarıftik saıasattyń nátıjesinde ınflıasııanyń shamamen 1%-ǵa ósýi kútiledi.