«Qazaq gazetteri» jaýapkershiligi shekteýli seriktestigi Bas dırektorynyń keńesshisi, jazýshy, jýrnalıst Júsipbek Qorǵasbek «Aıboz» Ulttyq ádebı syılyǵynyń ıegeri atandy, dep jazady Egemen.kz.
Búgin Almaty qalasynda úshinshi ret uıymdastyrylǵan ulttyq ádebı syılyqtyń jeńimpazdary marapattaldy.
Zamana ádebıetiniń zańǵarlary alamanǵa túsken ádebı baıqaýǵa 176 ótinim kelip túsken. 7 nomınasııa boıynsha úzdikter júldeli boldy.
Sonyń ishinde «Qazaq gazetteri» jaýapkershiligi shekteýli seriktestigi Bas dırektorynyń keńesshisi Júsipbek Qorǵasbek báıgege at qosqan «Úzdik ádebı syn» atalymynyń sóresinen 13 tulǵa júldege úmit artqan.
Qalamy qarymdy, shabyty shalqar azamattar arasynan Júsipbek Qorǵasbektiń «Saıtannyń oıyny» eńbegi «Úzdik ádebı syn» nomınasııasynda shashasyna shań juqtyrmaı, máreni birinshi bolyp kesti.
Marapattaý keshinde Mádenıet jáne aqparat mınıstri Aıda Balaeva sóz alyp, qalamger qaýymdy qoldaýǵa baǵyttalǵan ister irkilmeıtinin atap ótti.