Soltústik Qazaqstan oblysyna jumys sapary aıasynda Premer-mınıstrdiń orynbasary Tamara Dúısenova óńirdegi áleýmettik jobalardyń iske asý barysymen tanysty.
Vıse-premer M.Qozybaev atyndaǵy ýnıversıtetke baryp, «Serpin» baǵdarlamasyna qatysatyn jumys berýshilerdiń qatysýymen keńes ótkizdi. «Serpin» respýblıkalyq jobalaý keńsesiniń jetekshisi Murat Ábenov «Serpin túlekteri» qaýymdastyǵyn qurý týraly bastamany qoldady. Bul uıym abıtýrıentter men stýdentterge qoldaý kórsetedi. Soltústik óńirde atalǵan baǵdarlama boıynsha 1 350 adam bilim alyp, oqýyn jalǵastyryp jatyr. Kóptegen túlek osy óńirde jumys isteýdi tańdaǵan. Otbasyn quryp, oblystyń damýyna úles qosyp jatyr. Solardyń biri – Nurseıt Ábdirazaqov. Ol 2016 jyly Túrkistan oblysy Qazyǵurt aýdanynan kelip, ýnıversıtetke túsken, qazir ózi oqý ornynda qyzmet etip júr. «Baǵdarlama shynymen de tıimdi. Men bolashaǵymdy osy óńirmen jáne óz ýnıversıtetimmen baılanystyramyn», dedi N.Ábdirazaqov.
Premer-mınıstrdiń orynbasary joǵary oqý oryndary men kolledjderdiń kásiporyndarmen yntymaqtastyǵyn nyǵaıtýdyń mańyzyn atap ótti. Ol jumys berýshilerdiń qajettilikterine sáıkes mamandar daıarlaý baǵdarlamanyń tabysty júzege asyrylýynyń kepili ekenine mán berdi.
О́ńirde 300-den astam jumys berýshimen memorandým jasalǵan. Bıyl oqýyn bitiretin 68 túlekke arnalǵan jeke is-sharalar uıymdastyryldy. О́ńirdegi iri kompanııa ókilderi jas mamandarǵa suranystyń joǵary ekenin aıtyp, «Serpin» baǵdarlamasyna belsene qatysýǵa daıyn ekenin bildirdi.
Qazirgi ýaqytta kadr tapshylyǵy sezilip otyrǵan 8 óńir bar. Baǵdarlama túlekterin osy óńirlerde jumysqa ornalastyrý múmkindigi qarastyrylyp jatyr.
«Baǵdarlamanyń áleýmettik mańyzy joǵary. Ol bolashaq túlekterdi turaqty jumyspen qamtamasyz etedi jáne naqty kásiporyndardyń suranysyna saı kadrlar daıarlaıdy. Kelesi jyly baǵdarlamaǵa kolledjderdiń qatysýy josparlanyp otyr. Baǵdarlamany tıimdi iske asyrý úshin barlyq múddeli mınıstrlikter, oblys ákimdikteri men jumys berýshiler tyǵyz baılanysta jumys isteýi kerek. Bul úderiste aımaqtyq jobalyq keńselerdiń róli mańyzdy», dedi T.Dúısenova.
Vıse-premer M.Kozybaev atyndaǵy ýnıversıtettiń zerthanalarymen tanysyp, onyń ishinde «Serpin» baǵdarlamasy arqyly oqýǵa túsken stýdentterdiń ǵylymı zertteýlerin kórdi. Mundaı zamanaýı zerthanalar halyqaralyq sarapshylarmen birlesip jumys isteýge múmkindik beredi.
Mysaly, Qytaıdyń Soltústik-batys aýylsharýashylyq ýnıversıtetiniń ǵalymdary Kozybaev ýnıversıtetiniń stýdentterimen birlese aýyl sharýashylyǵy jáne sý resýrstary salasyndaǵy jobalar boıynsha jumys istep jatyr.
Manash Kozybaev atyndaǵy Soltústik Qazaqstan memlekettik ýnıversıteti AQSh-tyń Arızona ýnıversıtetimen seriktes. Yntymaqtastyq baǵdarlamasy qos dıplom alý, ǵalymdar arasynda ǵylymı almasý, oqytýshylar úshin birlesken taǵylymdamalar, sondaı-aq akademııalyq strategııa men korporatıvtik basqarýdy jetildirýge arnalǵan usynystardy qamtıdy.
Sonymen qatar óńirge sapary aıasynda T.Dúısenova «Qyzylzhar» kreatıvti ındýstrııa ortalyǵyna bardy. Bir aı buryn ashylǵan ortalyq ınnovasııalyq jáne shyǵarmashylyq jobalardy júzege asyrý alańyna aınaldy. Onda sıfrlyq tehnologııalar salasyndaǵy baǵytty damytý, medıa kontent, sán jáne basqa da shyǵarmashylyq ındýstrııalardy qurý úshin barlyq qajetti jaǵdaılar jasalǵan.
Keıbir kreatıvti mamandardyń esimderi áli keń aýdıtorııaǵa tanys emes. Al keıbiriniń dańqy Eýropaǵa deıin jetken. Mysaly, sánger Aıjan Kolchına Parıjdegi joǵary sán aptalyǵynda óz kolleksııasyn usyndy, onda onyń jumysy joǵary baǵalandy.
Aıjan Kolchınanyń jetekshiligimen jas dızaınerler kóılekterdiń biregeı úlgilerin ázirleýde. Eń kreatıvti eskızder, ıdeıalar naǵyz óner týyndylaryna aınalatyn arnaıy sheberhanada júzege asyrylady.
Munda qulaǵy nashar estıtin balalardan quralǵan biregeı bı ansambli bar. Onyń negizin qalaýshy Olga Rostovshıkova birqatar respýblıkalyq, halyqaralyq baıqaýlardan júldemen oralǵan. Vıse-premer bastamany joǵary baǵalap, erekshe qajettiligi bar balalardy shyǵarmashylyq jáne mádenı jobalarǵa qatysý arqyly damytýdyń mańyzyn atap ótti.
Ortalyq bazasynda óńirdiń kreatıvti ındýstrııa ókilderimen kezdesý uıymdastyryldy. Mádenıet jáne aqparat vıse-mınıstri Evgenıı Kochetov salaǵa qatysty atqarylyp jatqan sharalar jóninde baıandady. Búginde tıisti zańdarǵa ózgerister engizilip, Parlament qaraýyna joldanǵan. Onda salalyq qor qurý, memlekettik organdarǵa qosymsha quzyret berý, sondaı-aq ekonomıkanyń kreatıvti salalaryn qarjylandyrý kózderi qarastyryldy. Osy bastamalar elimizdegi kreatıvti ındýstrııany yntalandyryp qana qoımaı, salanyń damýyna serpin beredi.
«Soltústik Qazaqstan oblysy kreatıvti ındýstrııanyń damýyna qajetti barlyq múmkindikke ıe. Atalǵan sala aımaqtyń ekonomıkalyq jáne mádenı áleýetin nyǵaıtýda mańyzdy ról atqaratynyna senimdimin. Jalpy, oblystaǵy kreatıvti ındýstrııa habyn qurý mańyzdy qadam, bul tájirıbeni basqa aımaqtarǵa da taratý kerek», dedi T.Dúısenova.
Sondaı-aq vıse-premer óńirdegi birqatar medısınalyq uıymdarda bolyp, Prezıdenttiń tapsyrmasyna sáıkes «Aýylda densaýlyq saqtaýdy jańǵyrtý» jobasynyń júzege asyrylýyn tekserdi.