Búgin bokstan Azııa chempıonatynyń besinshi jarys kúninde 71 kelide Abylaıhan Júsip sharshy alańǵa shyqty, dep jazady Egemen.kz.
Taılanda ótip jatqan básekege 2021 jyly Belgradtaǵy álem chempıonatynyń qola júldesin enshilegen Abylaıhan Júsip 3 jyldyq úzilisten keıin qatysyp jatyr.
Ol 1/4 fınalda Túrikmenstan boksshysy Baıramdúrdi Nurmuhamedovty qapy qaldyrdy. 3 raýndtyq jekpe-jekte Abylaıhannyń qarsylasy 1 ret nokdaýnǵa tústi. Nátıjesinde 5:0 esebimen otandasymyz aıqyn basymdyqpen jeńiske jetti.
Endi Abylaıhan Júsip 8 jeltoqsan kúni jartylaı fınalda Tájikstan sportshysy Shohbojon Shýkýrovpen qolǵap túıistiredi.