Almatyda 2025 jyly taǵy 100 mektep avtobýsy satyp alynady, dep habarlaıdy Egemen.kz qala ákimdiginiń baspasóz qyzmetine silteme jasap.
Kelesi jyly Almatydaǵy mektep avtobýstarynyń sany 300-ge jetedi. Bul týraly 2025-2027 jyldarǵa arnalǵan bıýdjettik jobany Almaty máslıhatynyń aldaǵy sessııasynda qaraý josparlandy.
Jobanyń ekinshi kezeńi aıasynda bıyl oqýshylardy tasymaldaýǵa qosymsha 100 avtobýs satyp alyndy. Osylaısha, qazir 51 mekteptiń 9 myńnan astam oqýshysyn tasymaldaıtyn 200 avtobýs jumys istep tur. Kelesi jyly jobanyń jalǵasy retinde taǵy 100 avtobýs satyp alý josparlanǵan.
Avtobýstar alystaǵy jáne qıyn qoljetimdi aýdandarda turatyn balalar oqıtyn mektepterden kelip túsken ótinimderge sáıkes marshrýttarǵa shyǵady. Bul mektep avtobýstaryn bólý kezindegi basymdyqtardyń biri bolyp tabylady. Ár mektep úshin oqýshylardy tasymaldaýdy qamtamasyz etý maqsatynda egjeı-tegjeıli marshrýttyq paraqtar ázirlendi.