Keshe Qasym-Jomart Toqaevtyń tóraǵalyq etýimen Parlament Senaty bıýrosynyń otyrysy bolyp, onda Májilisten túsken zań jobalary bólinip berildi, dep habarlady osy palatanyń baspasóz qyzmeti.
Qarjy jáne bıýdjet komıteti Qazaqstan men Makedonııanyń úkimetteri arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly kelisimdi ratıfıkasııalaý týraly zań jobasy boıynsha bas komıtet bolyp belgilendi.
Ekonomıkalyq saıasat, ınnovasııalyq damý jáne kásipkerlik komıteti «Keden odaǵyna múshe memleketter bolyp tabylmaıtyn, Táýelsiz Memleketter Dostastyǵyna qatysýshy memlekettermen ózara saýdadaǵy tehnıkalyq kedergilerdi joıý týraly Keden odaǵyna múshe memleketterdiń kelisimin ratıfıkasııalaý týraly» zań jobasy boıynsha bas komıtet bolyp belgilendi.
Bıýro otyrysy barysynda palatanyń 2015 jylǵy 5 aqpanda bolatyn jalpy otyrysynyń kún tártibi boıynsha usynystar engizildi.
Senatorlar Qazaqstan men Majarstan úkimetteri arasyndaǵy olardyń memleketteriniń aýmaǵynda zańsyz turatyn adamdardyń readmıssııasy týraly kelisimdi ratıfıkasııalaý týraly; «Múgedekterdiń quqyqtary týraly konvensııany ratıfıkasııalaý týraly» jáne «Qazaqstan Respýblıkasynyń keıbir zańnamalyq aktilerine zııatkerlik menshik salasyn quqyqtyq retteý máseleleri boıynsha ózgerister men tolyqtyrýlar engizý týraly» zań jobalaryn (birinshi oqylym) qaraýdy josparlap otyr.
Bıýro otyrysynda «Qazaqstan Respýblıkasynyń Prezıdenti N.Á.Nazarbaevtyń «Nurly Jol – bolashaqqa bastar jol» atty Qazaqstan halqyna Joldaýyn iske asyrý jónindegi Parlament Senatynyń is-sharalar jospary týraly» Parlament Senaty bıýrosynyń 2014 jylǵy 24 jeltoqsandaǵy №247-V SB qaýlysyna ózgeris pen tolyqtyrý engizildi.