Germanııanyń kóshi-qon jáne bosqyndar isteri jónindegi federaldyq basqarmasy Sırııa azamattarynyń baspana suraǵan ótinishterin qaraýdy toqtatty. Osyndaı sheshimdi Avstrııa, Shvesııa, Danııa jáne Norvegııa bıligi de qabyldady. Fransııa bul máselemen aınalysýda, sheshim jaqyn arada qabyldanady, dep habarlaıdy Egemen.kz kommersant.ru-ǵa silteme jasap.
Basylymnyń jazýynsha Germanııanyń kóshi-qon isteri jónindegi vedomstvosy prezıdent Bashar Asadtyń ıslamshyl qurylymdar koalısııasynyń bastalýy nátıjesinde qyzmetinen ketýine jáne Sırııadaǵy aldaǵy oqıǵalardy boljaýdyń qıyndyǵyna oraı sırııalyq bosqyndarǵa baspana berý týraly 47 270 ótinishti qaramaǵan, olardyń 46 myńy sırııalyq sodyrlar shabýylynan buryn berilgen.
Avstrııa kansleri Karl Nehammer de 12,5 myń adamnyń ótinishin qaraýdy toqtatýǵa pármen bergen. Danııa bosqyndar keńesi Sırııadaǵy oqıǵalardy baqylap, 2025 jylǵy 16 qańtardaǵy otyrysta Sırııa azamattary máselesi boıynsha kelesi sheshimderdi talqylaýǵa ýáde berdi. Norvegııa men Shvesııanyń kóshi-qon qyzmeti de ótinishterdi qaraýdy toqtata turatyndaryn málimdegen.