Bıyl «QazMunaıGaz» enshiles kásiporyndarymen birge «Taza Qazaqstan» jalpyulttyq ekoaksııaǵa belsendi qatysyp, 97 218 aǵash ekti. Osylaısha, Memleket basshysynyń bastamasymen qolǵa alynǵan aıtýly is-sharaǵa kompanııa da eleýli úles qosyp otyr.
Aǵash otyrǵyzý aksııasy «QazMunaıGaz»-dyń kásiporyndary ornalasqan barlyq óńirdi – Aqtaý, Atyraý, Aqtóbe, Shymkent, Qyzylorda jáne Astanany qamtydy. Qalalar men aýyldarda jańa jasyl-jelekti aımaqtar qurýǵa, kompanııanyń óndiristik nysandarynyń aýmaǵyn kógaldandyrýǵa erekshe nazar aýdaryldy. Jergilikti klımatqa tózimdi aǵashtar, sonyń ishinde qaıyń, qaraǵaı jáne sámbital egildi.
2020-2023 jyldar aralyǵynda QMG-nyń enshiles jáne táýeldi uıymdary 100 myńǵa jýyq aǵash ekti. Sonymen birge 2024 jyly sáýir aıynyń basynda «QazMunaıGaz»-dyń uıymdastyrýymen Aral teńiziniń qurǵaǵan ultanynda 15 myń gektar alqapqa 4,5 mln sekseýil kósheti otyrǵyzyldy.
«QazMunaıGaz» kógaldandyrý jáne qorshaǵan ortany qorǵaý jónindegi jumysty áli de jalǵastyrady.