Astanadaǵy Ortalyq kommýnıkasııalar qyzmetiniń alańynda Almaty oblysynyń ákimi Marat Sultanǵazıev óńirdiń áleýmettik salasynyń damýy men jobalaryn aıtyp berdi, dep jazady Egemen.kz.
Oblys ákiminiń aqparatynsha, aımaqtaǵy ekonomıkalyq ósý men áleýmettik qoldaý sharalarynyń arqasynda halyqtyń tabysy burynǵy deńgeıde saqtalyp, jumyssyzdyqtyń ósýine tosqaýyl qoıylǵan.
«Jyl basynan beri 57 myńǵa jýyq jumys orny ashyldy. 34 myń adam turaqty jumys tapty. Sondaı-aq bıznes-ıdeıalaryn júzege asyryp, 400 AEK grant alǵan 259 adam óz isin ashty. Memleket basshysynyń tapsyrmasy boıynsha 480 myńnan astam otbasy tirkelgen sıfrlyq otbasy kartasy jumys isteı bastady. Bul júıe áleýmettik kómekti qoljetimdi etti. Jyl basynan beri 80 myńǵa jýyq adam jalpy somasy bes mıllıard teńgeden astam qoldaý aldy», dedi Marat Sultanǵazıev.