Memleket basshysy Úshtóbe qalasynda ornalasqan Kemel Toqaev atyndaǵy orta mektepke bardy, dep jazady Egemen.kz.
Qasym-Jomart Toqaevqa mektep dırektory Lázzat Ispanova oqýshylardyń jetistikteri týraly aıtyp, jazýshy murajaıymen tanystyrdy.
1997 jyly qurylǵan mýzeıge qalamgerdiń tutynǵan zattary, fotosýretteri, qujattary men kitaptary qoıylǵan. Prezıdentke jazýshynyń ómiri men shyǵarmashylyǵyna arnalǵan zııatkerlik oıyn jáne povesteriniń jelisi boıynsha shaǵyn qoıylym kórsetildi.
Memleket basshysyna «Kemel Toqaev atyndaǵy qaıyrymdylyq qory» atqarǵan jumystar jóninde baıandaldy. Bıyl Qordyń qurylǵanyna 15 jyl tolyp otyr.