Astananyń azamattyq ister jónindegi aýdanaralyq soty saǵat beldeýiniń ózgerýine baılanysty el azamatynyń Úkimetke qarsy shaǵymy boıynsha sheshim shyǵardy, dep habarlaıdy Egemen.kz.
Talap qoıýda ýaqyt beldeýiniń astronomııalyq ýaqytqa sáıkes kelmeıtindigi, jańa NQA qabyldaýǵa ákep soǵatyndaı mátininiń jartysynan asatyn kólemde ózgerister engizý týraly sheshim qabyldaýǵa jaýapkerdiń ókilettiginiń joqtyǵy kórsetilgen.Sot sheshimimen talap qoıýdy qanaǵattandyrýdan bas tartyldy.
«О́lshem birligin qamtamasyz etý týraly» zańmen ólshem birligin qamtamasyz etý salasyndaǵy biryńǵaı memlekettik saıasattyń negizgi baǵyttaryn ázirleý Úkimettiń quzyretine jatqyzylǵan.2000 jylǵy 26 qańtardaǵy №131 qaýlymen ýaqyt jáne etalondyq jıilikter jónindegi vedomstvoaralyq komıssııa atynan Úkimet janynan konsýltatıvtik-keńesshi organ qurylǵan.Komıssııa fýnksııalarynyń biri - respýblıka aýmaǵynda ýaqytty esepteý tártibin belgileý jáne ózgertý jóninde QR Úkimetine usynystar engizý.
Daýly qaýlylardy qabyldaýdy Úkimet QR Konstıtýsııasynyń 69-babynda berilgen ókilettikter sheńberinde iske asyrǵan, oǵan sáıkes Úkimet óz quzyretiniń máseleleri boıynsha Respýblıkanyń búkil aýmaǵynda mindetti kúshi bar qaýlylar shyǵarady.Sonymen qatar 2000 jylǵy 23 qarashadaǵy qaýly qabyldanǵannan beri 24 jyldan astam ýaqyt ótken, talap qoıýshy talap qoıýdyń jalpy úsh jyldyq eskirý merzimin ótkizip alǵan.Normatıvtik quqyqtyq akt mátininiń jartysynan astamyn ózgertý týraly dálel rastalmady, bul mán-jaı Úkimettiń qaýlysyn zańsyz dep tanýǵa negiz bola almaıdy, sebebi jaýapkerdiń NQA shyǵarý rásimi buzylmaǵan.Sheshim zańdy kúshine engen joq.