«Qazaqmys» korporasııasy jumysshylarmen júrgizgen kelissózderdiń aıaqtalǵanyn málimdedi, dep jazady Egemen.kz aqparat agenttigi.
Taraptar eki jaqqa da tıimdi kelisimge qol jetkizdi. Jumysshylar buǵan deıin usynylǵan sharttarmen kelisti:
• 13 - shi jalaqyǵa qosymsha 30% syıaqy tóleý;
• Toqsan saıyn beriletin syıaqy engizý;
• 2025 jylǵy 1 qańtardan bastap jalaqyny 8,5%-ǵa ındeksasııalaý.
О́z kezeginde jumysshylar Ońtústik Jezqazǵan kenishiniń shtattyq jumysyn qalpyna keltirýge daıyn ekenderin jetkizdi.
«Qazaqmys» korporasııasy» JShS basqarma tóraǵasy Nurahmet Nýrıev ereýilge qatysqan jumysshylarǵa eshqandaı shaǵym joq ekenin atap ótti.
«Qazaqmys» korporasııasy barlyq tarapqa ymyraǵa kelýge baǵyttalǵan syndarly dıalog pen kúsh-jiger úshin alǵys bildiredi.
Kompanııa bul kelisim jumysshylar men jumys berýshi arasyndaǵy seriktestik qatynasty nyǵaıtýǵa jasalǵan mańyzdy qadam ekenine jáne korporasııa kásiporyndarynyń odan ári damýyna yqpal etetinine senimdi.