«Qazgıdromet» sınoptıkteri 24, 25 jáne 26 jeltoqsan kúnderi elimizde aýa raıy qandaı bolatynyn aıtty, dep habarlaıdy Egemen.kz.
Boljamǵa sáıkes, 24 jeltoqsanda respýblıkanyń basym bóliginde, 25-26 jeltoqsanda batysta, soltústik-batysta jáne shyǵysta atmosferalyq fronttar jáne sıklonnyń áserinen qar jaýady, al respýblıkanyń ońtústik-batysynda jaýyn-shashyn kútiledi. Tek ońtústikte antısıklon yqpalymen negizinen jaýyn-shashynsyz aýa raıy boljanǵan. El boıynsha burqasyn, tuman, ekpindi jel, batys aımaqtarda kóktaıǵaq kútiledi.
«Túnde aýa temperatýrasy tek ortalyq jáne shyǵys óńirlerde -20-35 gradýs aıazǵa deıin tómendeıdi, al qalǵan aýmaqtarda temperatýralyq fon aıtarlyqtaı ózgermeıdi», delingen habarlamada.