Mańǵystaý oblysynda ushaq apatyna baılanysty qurylǵan Úkimettik komıssııa shtaby jumysyn jalǵastyryp jatyr, dep jazady Egemen.kz.
Tótenshe jaǵdaılar mınıstrligi Azerbaijan Airlines ushaǵynda bolǵan el azamattarynyń aty-jónin anyqtady. Mınıstrlik málimetinshe, ushaq apatynan Qazaqstannyń 6 azamaty kóz jumǵan.
Úkimettik komıssııa shtaby kóz jumǵan Qazaqstan azamattarynyń otbasyna qarjylaı kómek kórsetiletinin habarlady.
Vıse-premer Qanat Bozymbaev qutqarý jumystaryn jalǵastyrý, zardap shekkenderge qoldaý kórsetý jáne qaza tapqandardyń otbasylaryna kómek kórsetý boıynsha naqty tapsyrma berdi.
«Ushaq apatynan qaza tapqan Qazaqstan azamattarynyń otbasylaryna qarjylaı kómek kórsetiledi. Sondaı-aq Mańǵystaý oblysyna kelgen qaıtys bolǵan sheteldik azamattardyń jaqyndaryna da qajetti kómek beriledi», delingen Mańǵystaý oblysynyń ákimdigi taratqan habarlamada.