QOSTANAI. 1 mamyr. Bul týraly derekti Qostanaı oblystyq arhıviniń qyzmetkerleri tapty. Spaıper mektebi Qostanaı oblysynyń Fedorov aýdanynda ornalasypty. Bul týraly egemen.kz tilshisi habarlady.
Soǵys jyldary jaýdyń betin qaıtarýda mergenderdiń orny erekshe bolǵany aıan. Sol úshin Qyzyl Armııanyń teń jartysynan kóbi osy mergendikke daıyndaldy. Adamdardy jappaı oqytpasa ýaqyt kútpeıtin edi. Mergender kýrsy men mektepteri quryldy. Qostanaı oblystyq arhıviniń qyzmetkeri Anna Korpýhına tolyp jatqan resmı qujattardyń arasynan 1942 jyly Qostanaı oblysynyń Fedorov aýdanynda mergender mektebi jóninde Fedorov aýdandyq atqarý komıtetiniń qaýlysyn taýyp aldy.
Oblystyq arhıv qyzmetkeri Natalıa Korpýhına: «Eki aıdyń ishinde 60 adam mergen bolyp shyǵýy tıis. Jattyǵý óte qıyn boldy. Mergendikke negizinen 1925-1927 jyly dúnıege kelgen jastar oqytyldy», dedi.
Qostanaı oblysy soǵys jyldary basqa da mamandyqtardy oqytyp shyǵardy. Mysaly, sol jyldary 42 myń adam áskerı daıyndyqtan ótýi qajet boldy. Sol jyldary atqyshtar, pýlemetshiler, tank atqyshtary, telegrafıstov men radıster oqyp shyqty. Alaıda Fedorov aýdanynda mergender mektebiniń qaı jerde ornalasqanyn tabylmady, ol týraly qujattarda aıtylmaǵan. Sonymen qatar snaıperlik mektepte áıelder nemese er adamdar daıyndaldy ma—ol jaǵy da jumbaq. Komandır esepterinen belgili bolǵandaı, maıdanǵa Qostanaı oblysyndaǵy mergender mektebinde 100 adam oqyp shyǵyp, Otandy vıntovkamen qorǵady.
Názıra Járimbetova.
Derek, sýret: egemen.kz