Kúntizbe aýysýyna baılanysty jańa jylda biraz ózgeris bolady. Onyń keıbiri – zańnama tártibinde kózdelgen ózgerister bolsa, keıbiri – byltyrǵy bastamalardyń zańdy jalǵasy. Máselen, aılyq eseptik kórsetkish jyl sanap ósip otyrady. Byltyr 3 692 teńge bolsa, bıyl 1 AEK 3 932 teńgege teń. AEK-tiń áseri zeınetaqy, jalaqy, áleýmettik járdemaqylarǵa da áser etedi.
Taǵy bir ózgeris – bıyldan bastap jeke tulǵalardyń deklarasııa tapsyrýdan bosatylýy. Qarjy mınıstri Mádı Tákıevtiń aıtýynsha, 8 mln azamat bul mindetten bosatylýy múmkin. Sebep – derekter bazasynyń sıfrlanýy jáne qolma-qolsyz tólem júıesiniń damýy. Degenmen jeke kásipkerler, memlekettik qyzmetkerler, kvazımemlekettik sektor basshylary men olardyń jubaılary deklarasııa tapsyrýdy jalǵastyrady.
Jańa salyq kodeksi 2025 jyldyń shildesine deıin qabyldanyp, 2026 jyldyń qańtarynan bastap kúshine enedi. Negizinen mynadaı ózgerister bolýy múmkin:
Salyq pen tólemder sany 20 paıyzǵa qysqarady; Salyq eseptiligi kólemi 30 paıyzǵa azaıady; Korporatıvti tabys salyǵynyń negizgi mólsherlemesi 20 paıyz deńgeıinde qalady; Bankter men oıyn mekemeleri úshin 20 paıyzǵa kóteriledi; О́ńdeýshi ónerkásip úshin 10 paıyzǵa tómendetiledi; Aýyl sharýashylyǵy óndirýshileri úshin 3 paıyz bolady.Bank aralyq QR-tólemderdiń iske qosylýy da bıylǵa josparlanyp otyr. Iаǵnı paıdalanýshylar saýda núktesinde qaı banktiń termınaly turǵanyna qaramastan kez kelgen banktiń mobıldi qosymshasy arqyly QR-tólemdi júzege asyra alady. Qazir bul jumysty Ulttyq tólem korporasııasy ekinshi deńgeıli banktermen birlese júrgizip jatyr. Qyzmet 2025 jyldyń birinshi jartysynda qoljetimdi bolmaq.
2025–2027 jyldarǵa arnalǵan Ulttyq qordan respýblıkalyq bıýdjetke kepildendirilgen transfert kólemi bekitildi:
2025 jyly – 2 trln teńge; 2026 jyly – 2 trln teńge; 2027 jyly – 2 trln teńge.Ulttyq qorǵa munaı sektory uıymdarynan túsetin túsimder negizinde 2025–2027 jyldarǵa arnalǵan munaıdyń kesimdi baǵasy belgilendi:
2025 jyly – barreline 42,3 dollar; 2026 jyly – barreline 41 dollar; 2027 jyly – barreline 39,4 dollar.1 qańtardan bastap «Memlekettik satyp alýlar týraly» jańa zań kúshine enedi. Zań satyp alý úderisi prosedýrasyn ońtaılandyrýǵa, satyp alynǵan taýar, qyzmet, jumys sapasyn arttyrýǵa, satyp alýǵa qatysýshylardyń jaýapkershiligin kúsheıtýge, básekeni damytýǵa baǵyttalǵan. Zań 4 bloktan turady.