Halyqaralyq ýnıversıtettik sport federasııasynyń (FISU) jarys kestesine sáıkes qańtardyń 13-23 kúnderi Italııanyń Týrın qalasynda joǵary oqý oryndarynyń stýdentteri arasynda HHHII Dúnıejúzilik qysqy ýnıversıada ótedi, dep jazady Egemen.kz.
Oǵan álemniń 57 elinen 2000-ǵa jýyq sportshy qatysady. Jarysta sporttyń 11 túrinen 90 medal jıyntyǵy sarapqa salynady.
Elimizdiń namysyn 10 sport túrinen (bıatlon, shańǵy jarysy, qysqy sporttyq baǵdarlaý, frıstaıl, mánerlep syrǵanaý, shaıbaly hokkeı (erler, áıelder), parashańǵy jarysy, taý shańǵysy jarysy, short-trek) 103 sportshy qorǵaıdy.
Dúnıejúzilik HHHII qysqy ýnıversıadanyń saltanatty ashylý rásimi 13 qańtar kúni saǵat 19:30-da Týrın qalasyndaǵy «Inalpi Arena»-da ótse, jabylý rásimi 23 qańtarda saǵat 20:00-de ótedi.
Ýnıversıadanyń maqsaty – jastar men jasóspirimderdi sportqa yntalandyrý, salaýatty ómir saltyn nasıhattaý, buqaralyq sportty damytý, sondaı-aq jastardyń belsendi ómir saltyn qalyptastyrýǵa yqpal etý.
Ǵylym jáne joǵary bilim mınıstrliginiń baspasóz qyzmetiniń málimetinshe Qazaqstan stýdenttik qurama komandasy eń úzdik nátıjeni 2017 jyly Almatyda ótken ýnıversıadada kórsetip, jalpy medal esebinde ekinshi oryn 36 medal (11 altyn, 8 kúmis, 17 qola) jeńip alǵan.