QR Ulttyq banki sarapshylar arasynda júrgizilgen makroekonomıkalyq saýalnamanyń qorytyndysyn usyndy, dep habarlaıdy Egemen.kz.
Saýalnama kelesi parametrlerdi qamtydy: Brent markaly munaı baǵasy, Qazaqstan ekonomıkasynyń ósýi, ınflıasııa, bazalyq mólsherleme, taýarlar men qyzmetterdiń eksporty men ımporty, ulttyq valıýta baǵamy.
Medıandyq baǵalaýlar boıynsha, Brent markaly munaıdyń baǵasy 2025 jyly barreline 75 dollardy quraıdy (buryn barreline 76,5 dollar). 2026 jylǵa arnalǵan boljam barreline 74 dollar deńgeıinde saqtalady. 2027 jylǵa arnalǵan boljam barreline 75 dollar deńgeıinde belgilengen.
Sarapshylardyń boljamy boıynsha, Qazaqstannyń 2025 jáne 2026 jyldardaǵy ekonomıkalyq ósimi ózgerissiz qalady jáne sáıkesinshe 4,7 jáne 4,5 paıyzdy quraıdy. 2027 jyly ekonomıkanyń ósý qarqyny 4,5 paıyz deńgeıinde saqtalady.
Bul rette sarapshylar 2025 jylǵa arnalǵan ınflıasııa boljamyn 6,9 paıyzdan 7,5 paıyzǵa, al 2026 jylǵa 6 paıyzdan 6,5 paıyzǵa arttyrdy. 2027 jyly ınflıasııa 5,6 paıyzdy quraıdy.
«2025 jylǵa arnalǵan boljamnyń medıanalyq máni 12,5 paıyzdan 14,7 paıyzǵa, 2026 jylǵa - 10,3 paıyzdan 11,8 paıyzǵa deıin túzetildi. 2027 jylǵa bazalyq mólsherleme 10,5 paıyz deńgeıinde boljanǵan», delingen aqparatta.
Aıta keteıik, saýalnamaǵa Qazaqstan boıynsha makroekonomıkalyq kórsetkishterdi taldaý jáne boljaýmen aınalysatyn 12 uıym qatysqany kórsetilgen. Respondentterge naryqtyń kásibı qatysýshylary, zertteý ınstıtýttary, halyqaralyq uıymdar jáne reıtıngtik agenttikter kiredi.
Esterińizge sala keteıik, 29 qarashada Ulttyq bank bazalyq mólsherlemeni +/- 1 paıyzdyq tarmaq dálizimen jyldyq 14,25-ten 15,25 paıyzǵa deıin kótergen bolatyn. Jeltoqsanda Qazaqstandaǵy ınflıasııa báseńdedi.