Sınoptıkter 14, 15 jáne 16 qańtar kúnderi aýa raıy qandaı bolatynyn aıtty, dep habarlaıdy Egemen.kz.
Boljam boıynsha, Qazaqstannyń basym bóliginde aýa raıy atmosferalyq frontaldy ýchaskelermen anyqtalady, bul turaqsyz aýa raıy jaǵdaıyna ákeledi, burqasynmen birge qar kútiledi, respýblıkanyń batysynda jáne ońtústiginde jaýyn-shashyn (jańbyr, qar), kóktaıǵaq bolady. Respýblıkanyń ońtústik-shyǵysynda antısıklonnyń áserinen qurǵaq aýa raıy saqtalady.
«Respýblıka boıynsha temperatýralyq fon túnde batysta 0-8 aıazdan eldiń soltústigi men shyǵysynda 10-25 aıazǵa deıin, kúndiz 5 jylýdan 2-10 aıazǵa deıin, eldiń ońtústiginde túnde 1-13 aıaz, kúndiz 0-12 jyly bolady», delingen habarlamada.
Sondaı-aq keı óńirde jel kúsheıip, tuman túsedi.