2025 jylǵy qańtarda UQK polısııamen birlese jáne prokýratýra organdarynyń úılestirýimen Almaty qalasynda, Aqtóbe jáne Jambyl oblystarynda dinı radıkaldar áreketiniń jolyn kesti, dep habarlaıdy Egemen.kz UQK baspasóz qyzmetine silteme jasap.
Terrorızmdi, onyń ishinde telekommýnıkasııa jelilerin paıdalaný arqyly nasıhattady degen kúdikpen 3 adam qamaýǵa alynǵan.
«Eki fıgýrant buryn densaýlyqqa qasaqana aýyr zııan keltirgeni, qaraqshylyq jasaǵany, esirtki zattaryn zańsyz alǵany jáne saqtaǵany úshin sottalǵan. Taǵy bireýi buryn sheteldik sodyrlar lagerlerinde daıyndyqtan ótip, Qazaqstanǵa tapsyrmamen oralǵan, sonda ustalyp, sottalǵan. Uzaq merzimdi jazasyn ótep bostandyqqa shyqqannan keıin de radıkaldy ıdeologııadan bas tartpaǵan», delingen habarlamada.
Tergeý áreketteri barysynda olardyń turǵylyqty mekenjaılary boıynsha dinı ádebıet jáne basqa da zattaı dáleldemeler tárkilengen.
Atalǵan fakti boıynsha sotqa deıingi tergep-tekserý amaldary júrgizilip jatyr.