Polısııa qyzmetkerleri Aqtóbedegi perzenthanalardyń birinde bolǵan sábı saýdasyna qatysty isti tekserip jatyr, dep habarlaıdy Egemen.kz.
Buqaralyq aqparat quraldarynyń jazýynsha, áıel 2024 jyldyń tamyz aıynda oblystyq perınataldyq ortalyqta bosanǵan. Al bosanǵannan biraz ýaqyttan keıin anasy balasyn basqa adamdarǵa berip jibergen. Polısııa dárigerlerdiń bul «mámilege» tikeleı qatysy bar degen nusqany tekserip jatyr.
2025 jyldyń 20 qańtarynda polısııa departamenti aqparatqa túsinikteme berdi.
«Aqtóbe oblysynyń polıseıleri jańa týǵan náresteni perzenthanada satý faktisi boıynsha qylmystyq is qozǵady. Barlyq mán-jaılar men osy iske qatysy bar tulǵalardy anyqtaý úshin qajetti tergeý amaldary júrgizilip jatyr», delingen habarlamada.
Qazirgi tańda tergeý jalǵasyp jatyr.