Reıhstagqa tý tigip, soǵystyń sońǵy núktesin qoıǵan ultymyzdyń ulyq batyry Raqymjan Qoshqarbaevtyń eren eńbegin elge tanytqan jýrnalısterdiń biri – Janbolat Aýpbaev, dep habarlaıdy Egemen.kz.
«Egemen Qazaqstan» gazetinde bas redaktordyń orynbasary qyzmetin atqaryp júrgen ol 1999 jyldyń 1 qańtarynda Raqymjan Qoshqarbaevqa «Halyq qaharmany» ataǵy berilý kerektigi týraly «Halyq ala almaǵan qamal» atty maqala jazady.
Jýrnalısttiń kótergen máselesi el qalaýynyń údesinen shyǵyp, qoǵamdyq pikir týǵyzady. Ár óńirden el azamattary qoldaý hatyn jazyp, ony gazet turaqty túrde jarııalap otyrdy.
Sonymen Janbolat Aýpbaevtyń usynysy men halyqtyń qalaýynyń nátıjesinde Prezıdent Nursultan Nazarbaevtyń Jarlyǵymen 1999 jyly 7 mamyrda Raqymjan Qoshqarbaevqa Halyq Qaharmany ataǵy berildi.
Osy ýaqyt aralyǵynda Janbolat Aýpbaev «El tanydy óziniń has batyryn» atty súıinshi maqala jazyp, odan soń bul taqyrypty áriptesi Nurhan Myńbaı ekeýi birigip «Halyq alǵan qamal» degen maqalamen túıindedi.