Ulybrıtanııanyń Saýtport qalasynda jasóspirim Aksel Rýdakýbana úsh qyzdy óltirgeni úshin 52 jylǵa bas bostandyǵynan aıyryldy, dep habarlaıdy Egemen.kz.
Sky News telearnasynyń habarlaýynsha, jasóspirim pyshaqpen bı stýdııasyna kirip, qyzdarǵa shabýyl jasaǵan. Ol jábirlenýshilerdiń biriniń máıitiniń janynda turǵan jerinde ustalǵan.
Keıin onyń elektrondy qurylǵylaryn taldaý barysynda zorlyq-zombylyq pen genosıdtik ıdeıalarǵa áýes ekeni anyqtalǵan.
Anyqtalǵandaı, jas jigit 13 túrli bap boıynsha ómir boıyna bas bostandyǵynan aıyrylǵan. Rýdakýbana shartty túrde merziminen buryn bosatý týraly ótinishin tek 52 jyldan keıin bere alady.
Aıta keteıik, sýdıa sottalýshyǵa ómir boıyna bas bostandyǵynan aıyrý jazasyn taǵaıyndaı almaǵan, óıtkeni ol qylmys jasaǵan kezde nebári 17 jasta bolǵan.
Al, sot úkimi jarııalanǵan kezde sottalýshynyń ózi sot otyrysyna qatysqan joq, óıtkeni ol buǵan deıin ózin nashar sezinemin dep aıqaılap, prosesti buzbaq bolǵan.