Byltyr 14 aqpan kúni Doha qalasynda Qazaqstan men Qatar aradaǵy qylmyskerlerdi ustap berý týraly kelisimge qol qoıǵan edi, dep jazady Egemen.kz.
Búgin Májilis depýtattary osy kelisimdi ratıfıkasııalady. Qujat eki eldiń quzyrly organdary arasyndaǵy baılanysty nyǵaıtyp, qylmystyq qýdalaýda júrgen azamattardy almasýǵa múmkindik beredi.
«Kelisim ustap berýdiń jáne odan bas tartýdyń negizderin anyqtaıdy, sondaı-aq ustap berýdiń sharttary men tártibi, ony keıinge qaldyrý jáne ýaqytsha berý týraly erejelerdi qamtıdy. Ár tarap óz azamattaryn ustap berý máselesin qarastyrmaıdy. Izdeýdegi adamdardy aldyn ala qamaýǵa alý tártibi, sondaı-aq qylmys nátıjesinde alynǵan nemese dálel bola alatyn zattar men qujattardy alý jáne berý máseleleri retteledi», delingen Májilis habarlamasynda.