Qańtar oqıǵasy boıynsha sottalǵan Arman Jumageldıev Qostanaı túrmesinde ózine zııan keltiremin dep qorqytqan. Oǵan medısınalyq kómek kórsetildi, dep habarlaıdy Egemen.kz.
Túrmedegi bul oqys jaǵdaı aldymen áleýmettik jelide tarady. Iаǵnı 20 jylǵa sottalǵan "Dıkıı Arman" laqap atymen tanymal Arman Jumageldıev tamyryn kesken degen aqparat jeldeı esti.
Artynsha QR IIM Qylmystyq-atqarý júısiniń komıteti túsinikteme berdi.
- Atalǵan sottalýshy ózine azdaǵan dene jaraqattaryn keltirdi. Medısınalyq kómek birden kórsetildi. Sottalýshynyń densaýlyǵy qanaǵattanarlyq deńgeıde, - dep habarlady QAJK baspasóz qyzmeti.
Sondaı-aq Arman Jumageldıev aıyryqsha baqylaýda ekeni, ony mekeme psıhologtary qaraýǵa alǵany naqtylanady.
Atalǵan fakti boıynsha qyzmettik tergeý taǵaıyndaldy.