Tájikstan kórmege qatysatynyn qýattady

Jaqynda Syrtqy ister mınıstriniń birinshi orynbasary – EKSPO -2017-niń komıssary Rápil Joshybaev bastaǵan Qazaqstan delegasııasy Tájikstan Respýblıkasynda jumys saparymen boldy. Tájikstan Respýblıkasy Pre­mer-mınıstriniń birinshi orynbasary D.Saıdpen, Eko­nomı­kalyq damý jáne saýda mı­nıs­tri N.Hekmatýllozodamen jáne Syrtqy ister mınıstriniń orynbasary P.Davlatzodamen ótken kezdesýde taraptar eki eldiń qarym-qatynas máselelerin talqylady. EKSPO-2017-niń komıssary Astana qalasynda ótkiziletin Halyqaralyq kórmege daıyndyq barysy týraly áńgimelep, Qa­zaqstan Respýblıkasynyń Pre­zıdenti Nursultan Nazarbaevtyń «Jasyl kópir» yntymaqtastyq baǵdarlamasy týraly tilge tıek etti. О́z kezeginde Tájikstan Pre­mer-mınıstriniń birinshi orynbasary D.Saıd eki el arasynda qalyptasqan joǵary túsinistik pen baýyrlastyq qarym-qatynastarǵa jan-jaqty toqtaldy. Sonymen birge, Saıd myrza Tájikstan Respýblıkasy úkimeti atynan óz eliniń «Astana EKSPO-2017» Halyqaralyq kórmesine belsene qatysatynyn atap kórsetti. Ol táýelsiz Qazaq­stannyń elordasynda óte­tin bul jahandyq shara bary­synda Dýshanbe laıyqty oryn alatyndyǵyn aıtty. Eko­no­mı­kalyq damý jáne saýda mınıstri N.Hekmatýllozoda Astana qala­syndaǵy Halyqaralyq kórmege Tájikstan Respýblıkasynyń qatysý máselelerin tilge tıek ete kelip, kórmege qatysý sharttarymen tanysý qajettigin atap kórsetti. EKSPO-2017 ko­mıssary R.Joshybaev ekijaqty júz­desýler barysynda elimizde ótetin Búkilálemdik jetistikter kórmesi taqyrybynyń mańyz­dylyǵyna toqtalyp, onyń óńir­degi balama qýat kózderiniń damýyna serpindi yqpal etetindigin naqty mysaldarmen ashyp kór­setti. Sonymen birge, taraptar taý-ken metallýrgııa óner­kásibinde, kólik jáne energetıka salasynda belgilengen birikken jobalardyń is júzine asyrylý máselelerin talqylady. Álemdik ekonomıkadaǵy keleńsiz jaǵdaılarǵa qaramastan, eki el arasyndaǵy saýda-ekonomıkalyq baılanystyń jan-jaqty damyp otyrǵandyǵyn atap kórsetti. Syrtqy ister mınıstriniń orynbasary P.Davletzodamen bolǵan kezdesýde Tájikstanda Qazaqstannyń Mádenı kúnderin ótkizý máseleleri tilge tıek etildi. Ázirlegen Jylqybaı Jaǵyparuly, «Egemen Qazaqstan».