Astanada 6 jańa óndiris ashylady

Keshe Premer-Mı­nıs­trdiń orynbasary Berdibek Sa­­par­baevtyń qatysýymen Asta­na qalasynda memle­ket­tik organdardyń, ult­tyq kompa­nııa­lardyń jáne elor­dadaǵy iri ón­diris oryndary­nyń basshy­lary­nyń qatysýymen jergilikti mazmundy damytý jáne bıznestiń áleýmettik jaýapkershiligin arttyrý máselelerine arnalǵan jıyn bolyp ótti. Astana qalasynyń ın­dýs­trııalyq parkindegi «Lokomotıv qu­rastyrý zaýyty» AQ kásip­or­nynda ótken bul basqosýda As­tana qalasy ákimdigi men ult­tyq kompanııalar arasynda ózara yqpaldastyq pen jergilikti maz­mundaǵy ónimderdi shyǵarý kólemin arttyrý máseleleri jáne qala ákimdigi, elorda kásip­oryn­dary men kásipodaq arasynda óndiris prosesterin turaqtandyrý, jumysshylardyń eńbek quqyqtary men kepildikterin qamtamasyz etý, jumystan bosatylǵan jumys­shy­lardy áleýmettik qorǵaý máse­leleri boıynsha úshjaqty memo­randýmdarǵa qol qoıyldy. Basqosý barysynda Berdibek Saparbaev jınalǵandardyń nazaryn búgingi tańda dúnıejúzin alańdatyp otyrǵan álemdegi saıası, ekonomıkalyq kúrdeli ahýal­men tanystyryp, aldaǵy ýaqyt­ta álemdik daǵdarys salqy­nyn qazaqstandyqtar qatty sezin­beı­tindeı keshendi sharalardy uıym­dastyryp, halyqtyń turmys jaǵdaıyn jaqsartý jolyndaǵy áleý­mettik mindettemeler men ke­pil­dikterdi sózsiz oryndaý qajet­tigine aýdardy. Ol úshin elimiz­de barlyq múmkindikter oılas­ty­­rylǵan. Elbasynyń «Nur­ly Jol – bolashaqqa bastar jol» Jol­daýyndaǵy jeti baǵyt­ty bas­­shylyqqa ala otyryp, ekono­mıkaǵa salqynyn tıgizip otyrǵan qıyn­dyqtarǵa tótep berýdiń ońtaı­ly joldaryn is júzine asyrý qajet. Kezdesýde sóz alǵan qala ákimi Ádilbek Jaqsybekov Elbasynyń tapsyrmasyna sáıkes, ákimdikter men iri kásiporyndar arasynda óndiris úderisterin turaqtandyrý jáne jumysshylardyń eńbek quqyǵy men kepildikterin qam­tamasyz etý máseleleri boıynsha keń aýqymdy sharalar ótkizilip jatqanyn aıtty. Bul baǵytta memleket tarapynan aýqymdy sharalar júzege asyrylýda. Bir ǵana «Bıznestiń jol kartasy-2020» baǵdarlamasy aıa­­synda Astanada 8 myńǵa jýyq ju­mys ornyn saqtap, qo­symsha 4 myńnan astam adamdy jumyspen qamtýǵa qol jetkizildi. – 2015 jyly elordada jańa 6 óndiris iske qosylyp, olarda qosymsha 1600 jumys oryny qu­rylady dep josparlanýda. Osy oraıda bizdiń basty maqsatymyz – oń nátıje kórsetip otyrǵan qala ekonomıkasynyń qarqyndy ósimin saqtap qalý, – dedi qala ákimi. Keńes barysynda Astanadaǵy iri kásiporyndar shyǵaratyn otandyq taýarlardy arttyryp, jer­gilikti mazmundaǵy óndiris ónim­derin kóbeıtý maqsatynda jal­py somasy 105 mlrd. teńgeni quraı­tyn 10 memorandýmǵa qol qoıyldy. Olardyń qatarynda «QTJ» UK» AQ, «Astana EKSPO-2017» UK» AQ, «Qaz­Mu­naı­Gaz» UK» AQ, «Qa­zaq­te­le­­kom» AQ, «Samu­ryqEnergo» AQ, «Transtelekom» AQ, «Qaz­Trans­Oıl» AQ, «KEGOK» AQ, «Qaz­at­om­prom» AQ sııaqty iri kásiporyndar bar. Jumys oryndaryn saq­taý jáne óndiris úderisin turaq­tan­dyrý máseleleri boıynsha kún tártibine usynylǵan úshjaqty 7 memorandýmǵa qol qoıyldy. Bul memorandýmǵa qol qoıǵan asta­nalyq kásiporyndar qatarynda «Sesna Astyq» konserni» JShS, «Astana sý arnasy» MKK, «As­tana – Zelenstroı» AQ, «Loko­mo­tıv qurastyrý zaýyty» AQ, «As­tana Ta­zalyq» JShS, «Qulager» qu­ry­­lys korporasııasy» JShS, «Bazıs» qurylys korporasııasy» JShS bar. Elorda ákimi Ádilbek Jaqsy­bekov barlyq taraptar memo­randým talaptaryn ustanatyn­daryna jáne jumys berýshiler men jumyskerlerdiń eńbek quqyq­taryn tolyq kólemde saqtaýdy qamtamasyz etetinderine, sonymen qatar, elimizdiń bas qalasy ekonomıkasynyń aldaǵy ýaqytta da damı beretinine senim bildirdi. Jylqybaı JAǴYPARULY, «Egemen Qazaqstan».