Búgin Úkimet basshysy Oljas Bektenov atom energetıkasyn damytý máselesi boıynsha keńes ótkizdi, dep jazady Egemen.kz.
Elimizde elektr energııasyn tutyný kólemi jyl ótken saıyn artyp keledi. Jıynda osyǵan baılanysty 2025–2031 jyldarǵa arnalǵan elektr energııasynyń boljamdy teńgerimi saralandy.
О́z kezeginde Energetıka mınıstri Almasadam Sátqalıev birinshi atom elektr stansasynyń qurylysy boıynsha áleýetti jetkizýshilermen júrgizilgen kelissózder nátıjesin baıandady.
«AES salý máselesinde elimiz úshin barynsha ekonomıkalyq tıimdilikti qamtamasyz etý qajet. Jetkizýshini tańdaýda el ishindegi qundylyqty arttyrýǵa, óndiristi lokalızasııalaýǵa jáne tehnologııa transfertine mán berilýi tıis», dedi Oljas Bektenov.
Úkimet salany alǵa súıreıtin mamandardy sapaly daıarlaýǵa da mán berip otyr. «Qazaqstan atom elektr stansııalary» JShS basshysy Tımýr Jantıkın, Ulttyq ıadrolyq ortalyǵynyń basshysy Erlan Batyrbekov, Iаdrolyq fızıka ınstıtýtynyń basshysy Saıabek Sahıev osy jáne ózgede mańyzdy taqyryptar sheńberinde saraptamalyq oıyn ortaǵa saldy.