Qazaqstannan Vengrııaǵa jańa áýe reısi ashylady, dep habarlaıdy Egemen.kz Kólik mınıstrliginiń baspasóz qyzmetine silteme jasap.
Mınıstrliktiń málimetinshe, bıylǵy jyldyń 27 mamyrynan bastap «SCAT» qazaqstandyq áýe kompanııasy Shymkent – Býdapesht baǵyty boıynsha Vengrııaǵa jańa baǵyt ashýdy josparlap otyr. Reıster «Boeing 737» úlgisindegi áýe kemelerinde aptasyna 2 ret (seısenbi jáne senbi kúnderi) jıilikpen oryndalatyn bolady.
«Áýe qatynasynyń ashylýy eki el arasyndaǵy saýda-ekonomıkalyq, iskerlik jáne týrıstik yntymaqtastyqty odan ári damytýǵa yqpal etedi dep kútiledi», delingen habarlamada.