Qyrǵyzstannyń memlekettik ulttyq qaýipsizdik komıteti (UQKK) 2025 jyldyń qańtarynda qazaqstandyq YouTube-arnalardyń birine suhbat bergen jáne ultaralyq arazdyqty qozdyrýǵa baǵyttalǵan málimdemelerge jol bergen azamatqa qatysty qylmystyq is qozǵady, dep habarlaıdy Egemen.kz.
Qyrǵyz buqaralyq aqparat quraldarynyń málimetinshe, suhbatynda qazaq halqynan «Kenesary hannyń ólimi úshin» keshirim suraǵan ánshi Qaırat Prımberdıev jaýapqa tartylyp jatyr. Onyń bul suhbaty jelide daý-damaı týdyrǵan.
Ánshi «Kenesary hannyń basyn eline qaıtaryp, qazaq halqynyń aldyndaǵy aıybymyzdan arylý kerekpiz», dep aıtqan edi.
13 qańtarda ánshi keshirimdi qyrǵyz halqynyń atynan emes, tek óziniń atynan suraǵanyn aıtyp beıneúndeý jazǵan bolatyn.