Kóktemniń alǵashqy aıynda el turǵyndary birneshe kúndik demalysqa keneledi, dep habarlaıdy Egemen.kz.
Naýryzda birden eki memlekettik mereke atap ótiledi: Halyqaralyq áıelder kúni (8 naýryz) jáne Naýryz merekesi (21-23 naýryz). Demalys kúnderiniń shegerilýine baılanysty el azamattary qosymsha demalys kúnderin alady.
Nátıjesinde 2025 jyldyń naýryz aıynda aptasyna bes kún jumys isteıtinder 14 kún, alty kún jumys isteıtinder 10 kún demalady.
Halyqaralyq áıelder kúni (8 naýryz) senbige sáıkes kelgendikten, demalys kúni 10 naýryz dúısenbige aýystyryldy.
Aptasyna bes kún jumys isteıtinder úshin 8, 9 jáne 10 naýryz demalys; Aptasyna alty kún jumys isteıtinder úshin 8 jáne 9 naýryz demalys kúnderi, 10 naýryz jumys kúni bolady.Naýryz meıramy – jyldyń basty merekeleriniń biri. 2025 jyly merekeler juma, senbi jáne jeksenbi kúnderine týra keledi, sondyqtan demalys kúnderi 24 jáne 25 naýryzǵa (dúısenbi jáne seısenbi) aýystyrylady.
Aptasyna bes kún jumys isteıtinder 21 naýryzdan 25 naýryzdy qosa alǵanda – bes kún qatarynan demalady; Aptasyna alty kún jumys isteıtinder 21, 22, 23 jáne 24 naýryz demalady, 25 naýryz jumys kúni bolyp bekitildi.