2024 jyldyń qańtar-jeltoqsan aılarynda Qazaqstannan basqa memleketke shamamen 12,8 myń adam kóship ketken. Bul ótken jylǵa qaraǵanda 20%-ǵa az, dep habarlaıdy Egemen.kz Birinshi kredıttik bıýroǵa silteme jasap.
Aıta keteıik, qazirgi kórsetkishi táýelsizdik alǵannan bergi eń tómengi deńgeı.
Osy kezeńde Qazaqstanǵa turaqty qonys aýdaryp kelgender sany 29,9 myń adamnan asqan, bul ótken jylmen salystyrǵanda 18%-ǵa kóp. Bul kórsetkish tarıhı rekord bolyp sanalmasa da, budan joǵary deńgeı sońǵy ret 2011 jyly tirkelgen.
«Osylaısha, kóshi-qon saldosy – kelgender sany men ketkender sanynyń aıyrmasy – ekinshi jyl qatarynan oń aımaqta qalyp otyr. Bul joly ol 17,2 myń adamǵa jýyqtady. Bul 2006 jyldan bergi eń jaqsy nátıje. 2012-2022 jyldar aralyǵynda kóshi-qon saldosy jyl saıyn teris mánde bolǵan. Iаǵnı, Qazaqstannan ketýshiler sany kelgender sanynan kóp boldy», delingen habarlamada.
10 adamnyń jeteýi Reseıge kóshken. Odan keıin Germanııaǵa kóshýshiler úlesi artyp keledi (16%). Al, elge turaqty qonys aýdarýshylardyń basym úlesi О́zbekstan (10 adamnyń 4-eýi) jáne Reseıge (ımmıgranttardyń 27%-y) tıesili. Qytaıdan kelýshiler 7%, Mońǵolııadan 5%-dy quraǵan.