26-27 aqpan kúnderi Úndistannyń Delı qalasynda qazaq kúresinen álem chempıonaty túńligin túredi. Qazaq Kuresi qaýymdastyǵy uıymdastyratyn álem chempıonatynyń demeýshileri – «Samuryq-Qazyna» ulttyq ál-aýqat qory» aksıonerlik qoǵamy men Sport Qory.
Dúnıejúzilik dodaǵa 20-dan astam eldiń balýandary qatysýǵa ótinish bergen. Delı tórinde Ázerbaıjan, Argentına, Brazılııa, Estonııa, Grýzııa, Nıderland, Iran, Italııa, Japonııa, Qyrǵyzstan, Moldova, Meksıka, Mońǵolııa, Polsha, Serbııa, Tájikstan, О́zbekstan, Úndistan eliniń balýandary beldesedi. Erler men áıelder arasyndaǵy báseke 16 salmaq dárejesinde ótedi.
Ǵanı Keldiqulov baptaıtyn balýandar Úndistanǵa deıingi oqý-jattyǵý jıynyn Almaty qalasynda ótkizedi. Ulttyq qurama komandasynyń sapynda Bekjan Tólepov, Jumajan Qojambekov, Ersultan Muzapparov, Nurdáýlet Jarylǵapov, Zarına Sarıpova, Raýza Nurmahammetova, Roza Nysantaıqyzy syndy balýandar bar.