Pavlodar oblysy polısııa departamentiniń deregine súıensek, oblystaǵy jol-kólik apattarynyń sany 57 paıyzǵa ósken. Al apat saldarynan qaza tapqandardyń sany eki esege jýyq artyp, zardap shekkender 62 paıyzǵa kóbeıgen.
Jol-kólik oqıǵalarynyń jıileýine kólik júrgizýshileri men jaıaý júrginshilerdiń joldaǵy jeke tártipsizdigi yqpal etken. Sondaı-aq qarsy baǵytqa shyǵyp ketý, jyldamdyqty shekten tys asyrý, jaıaý júrginshilerge jol bermeý faktorlary kóp kezdesip otyr.
«Taldaý kórsetkendeı, jol apattaryna sebep bolatyn jaıttyń biri – avtokólikti júrgizý kezinde júrgizýshilerdiń qalǵyp ketýi nemese uzaq sapardan sharshaýy. Jyl basynan beri oblys joldarynda 11 oqıǵa tirkeldi. Saldarynan 5 adam qaza taýyp, 19 adam jaraqat aldy. Patrýldik polısııa rotasy oblystyq jedel medısınalyq járdem ortalyǵynyń qyzmetkerlerimen birlesip birlesken is-sharalar ótkizedi. Onyń aıasynda biz kólik quraldaryn, atap aıtqanda, kúndizgi jáne túngi ýaqytta trassalarǵa shyǵatyn tranzıttik aýyr júkterdi toqtatamyz. Mamandar júrgizýshilerdiń densaýlyq jaǵdaıyn, qan qysymyn, sharshaý deńgeıin, sondaı-aq alǵashqy medısınalyq kómek jınaǵynda medısınalyq preparattardyń bolýyn tekseredi. Qajet bolsa, olarǵa tynyǵatyn orynǵa jetip, demalýdy usynamyz», dep habarlady óńirlik polısııa departamentiniń baspasóz qyzmetinen.
Pavlodar oblysy