Tasqynǵa daıyndyq sheńberinde sala mınıstrligi «Qazsýshar» fılıaldaryn 84 jańa tehnıkamen qamtamasyz etti, dep jazady Egemen.kz.
Fılıaldarǵa 8 avtokran, 14 samosval, 7 traktor, 23 tıegish, 32 gazel alynǵan. Bul – mınıstrliktiń keshendi josparynyń bir bóligi ǵana, vedomstvo aldaǵy ýaqytta tehnıkalardyń 65-70%-yn jańartýǵa nıetti. Sý resýrstary jáne ırrıgasııa vıse-mınıstri Erbolat Ibraıhanovtyń aıtýynsha mınıstrlik «Qazsýshar» fılıaldaryn jalpy sany 757 jańa tehnıka jáne arnaıy jabdyqtarmen qamtamasyz etýdi josparlap otyr.
«Onyń ishinde shynjyr tabandy tehnıka, ekskovatorlar, aýyr júk kólikteri, traktorlar bar. Budan bólek, jańadan 8 jersnarıad alynady, bul – sý qoımasynyń túbin túrli shógindilerden tazartýǵa arnalǵan kemeler. Arnaıy tehnıka – sý tasqyny qaýpin azaıtýǵa, kanaldardyń sý ótkizý qýatyn arttyrýǵa, qosymsha bos oryn esebinen sý saqtaý kólemin ulǵaıtýǵa múmkindik beredi», dedi vıse-mınıstr.