Memleket basshysy Qasym-Jomart Toqaevtyń bıylǵy jyldy «Jumysshy mamandyqtary jyly» dep jarııalaýyna oraı, «Qazaqmys» korporasııasy» JShS Ardagerler keńesiniń Sátbaev fılıaly jastarmen kezdesý ótkizdi.
Oǵan «Qazaqmys» korporasııasy Ardagerler keńesiniń múshesi I. Baıbatyrov, eńbek ardagerleri S. Janqutov pen B. Sháıkenov qatysty.
Ardagerler jastarmen kezdesý barysynda óńirde adal eńbegimen el qurmetine bólenip, zor jetistikke jetken eńbek adamdaryn tilge tıek etip, solardyń ómir jolynan úlgi alýǵa shaqyrdy.
Eńbek ardageri B.Sháıkenov bolashaq dánekerleýshi stýdentterdi osy salanyń qyry-syrymen tanystyrdy. Tehnıkalyq qaýipsizdik caqtaý erejelerin túsindirdi. Jastar eńbek ardagerleriniń aqyl-keńesin qyzyǵa tyńdap, alǵys aıtty.
Kezdesýdiń maqsaty jumysshy mamandyqtaryna jastardyń qyzyǵýshylyǵyn arttyrý boldy.
Ulytaý oblysy