Bolashaq teńizshiler 2 ýnıversıtettiń janyndaǵy teńiz akademııalary bazasynda daıarlyqtan ótedi, dep habarlaıdy Egemen.kz.
Olar – Qazaqstan-Brıtan tehnıkalyq ýnıversıteti (KBTÝ) jáne Sh.Esenov atyndaǵy Kaspıı tehnologııalar jáne ınjınırıng ýnıversıtetiniń (KÝTI) janyndaǵy teńiz akademııalary.
KBTÝ 94 kadet (89-y grantta) «Keme júrgizý», «Kemelik energetıkalyq qondyrǵylardy paıdalaný / Keme mehanıkasy» mamandyqtary boıynsha bilim alady.
KÝTI– 156 kadet (87-i grantta) - «Keme júrgizý», «Kemelik energetıkalyq qondyrǵylardy paıdalaný», «Keme elektroqondyrǵylary men avtomatıka quraldaryn paıdalaný», «Porttar men kólik termınaldarynyń tıeý-túsirý jabdyqtaryn paıdalaný» baǵyttarynda oqıdy. Mamandardy daıarlaý 1978 jylǵy «Teńizshilerdi daıarlaý, dıplomdaý jáne vahtalyq qyzmet atqarý týraly halyqaralyq konvensııasyna» (PDNV) sáıkes júrgiziledi.
Kólik mınıstrligine qarasty temirjol jáne sý kóligi komıtetiniń baspasóz qyzmetiniń málimdeýinshe 1 jyl boıy kadetter Kaspıı teńizinde Qazmortransflot, Caspian Offshore Construction, P&O Maritime Logistics, AB Flot syndy kemelerde tájirıbe alady. Al jyl saıyn Qazaqstan-Brıtan tehnıkalyq ýnıversıtetiniń úzdik kadetteri Eındraht jelkendi kemesimen Atlant muhıtyn kesip ótedi.