Ulttyq statıstıka bıýrosynyń dereginshe, Túrkistan oblysynda eńbekke qabiletti adam sany 800 myńnan asady. Onyń 200 myńnan astamy – jumysshy. Búginde oblystaǵy jumys berýshilerden 3 600-deı jumysshy mamandyqqa qajettilik anyqtalǵan. Bul oraıda kolledjderge bólinetin memlekettik tapsyrys osy qajettilikke qaraı retteledi, qajetti mamandar eńbek naryǵynyń suranysyna qaraı daıarlanady.
Osy maqsatta Túrkistan joǵary kópsalaly qolóner kolledjiniń «Tigin óndirisi jáne kıimderdi úlgileý» mamandyǵynyń stýdentteri óndiristik tájirıbeden ótip jatyr. Stýdentter «Turkestan Textile» JShS fabrıkasynda úshjaqty kelisim negizinde kásiptik mashyqtaryn jetildirip júr. Kásiptik-tehnıkalyq bilim berý júıesine dýaldy oqytý ádisiniń engizilýi – stýdentterge úlken múmkindik. Olar oqý barysynda teorııalyq bilim alýmen qatar, óndiristik ortada tájirıbe jınaqtaıdy.
«Jumysshy mamandyqtar jyly» – kásibı bilim berý júıesin damytýǵa, jastardy naqty óndiristik daǵdylarmen qamtamasyz etýge baǵyttalǵan mańyzdy qadam. Bastama aıasynda kolledj stýdentteri óndiristik tájirıbeden ótý maqsatynda elimizdiń kóptegen kásiporyndary men fabrıkalarynda jumys istep júr. «Turkestan Textile» fabrıkasynda túrli saladaǵy jumysshylardyń, sonymen qatar mektep oqýshylarynyń formasy men dárigerlerdiń arnaıy kıimderi, quraq kórpesheler tigiledi. Jumys ornynda synaqtan ótý arqyly bolashaq mamandar daǵdylary men bilikterin shyńdaýǵa múmkindik alady», deıdi kolledjdiń «Tigin óndirisi jáne óner» bóliminiń meńgerýshisi Kúljan Omarbaeva.
Saryaǵash aýdanyndaǵy Kaplanbek joǵary agrarlyq-tehnıkalyq kolledjinde agrarlyq salada suranysqa ıe dron operatorlary oqytylady. Jýyrda kolledj stýdentteri óz jobalaryn «Jumysshy mamandyqtar qalasy» festıvalinde tanystyrdy.
«Bul – óńirdiń ekonomıkalyq erekshelikterin eskere otyryp engizilip jatqan zamanaýı mamandyqtar. Agrodrondar hımııalyq preparattardy 20%-ǵa, sýdy 80%-ǵa deıin únemdeýge múmkindik beredi, janarmaı shyǵynyn, jumys kúshin, tehnıkany qoldaný kólemin azaıtady. Sonymen qatar tuqymdardy, tyńaıtqyshtardy, ósimdikterdi qorǵaý quraldaryn birkelki engizýdi qamtamasyz etedi», deıdi kolledj dırektory Baǵlan Shyǵanov.
Kolledj qytaılyq kompanııamen jasalǵan memorandým aıasynda mamandardy daıarlaýǵa qatysty ádistemelik, materıaldyq-tehnıkalyq qoldaý alady, oqytýshylar óndiriste tájirıbeden ótedi.
Oblysta «Jumysshy mamandyqtar jylyn» ótkizý jónindegi óńirlik jospar bekitilgen. Bul baǵytta aýqymdy is-sharalar júzege aspaq. Kolledjder men arnaýly bilim ortalyqtarynda memlekettik tapsyryspen oqytylyp jatqan mamandyqtardy qajetti jumysshy mamandyqtaryna sáıkestendirý, ınvestorlarǵa aldymen jergilikti mamandardy jumysqa alý jóninde talap qoıý mindettelgen. Oblys ákimi Nuralhan Kósherov jaýapty adamdarǵa óńirde iske asyrylyp jatqan jeke ınvestısııa jobalaryna qajetti mamandyqtardy aıqyndap, kolledjderge kásibı maman daıarlaýǵa usynys engizýdi tapsyrdy.
«Jumysshy mamandyqtaryn belsendi damytý kerek. Jumysshylardyń áleýmettik qorǵalýy, jalaqy men eńbek jaǵdaılaryn jaqsartý olardyń jumysqa degen yntasyn arttyrady. Osyǵan oraı eńbekaqyny kóterý, eńbek qaýipsizdigin qamtamasyz etý sharalaryn júzege asyrý kerek», dedi oblys ákimi.
О́ńirde 125 ınvestısııalyq joba negizinde 2 myńnan astam jumys ornyn ashý kózdelgen. Olardyń teń jartysy – jumysshy mamandar. Suranysqa sáıkes jańa jumys oryndaryna joldanatyn azamattardy qysqa merzimdik kásiptik oqytýdan ótkizý josparlanǵan. Iаǵnı jeke ınvestor óz bazasynda kásibı oqytýdy júrgizse, oqytýdyń shyǵyndary memleket tarapynan ótelip, ári qaraı turaqty jumyspen qamtylady. Budan bólek, maqta óndirý salasyn damytyp jatqan shetel ınvestoryna 1 400 jumys oryny usynyldy. Bıylǵa «О́ńirlik jumyspen qamtý kartasy» bekitilip, 130 769 jumys ornyn ashý josparlansa, onyń 57%-y jumysshy mamandyqtar bolmaq. «Ulttyq jobalar» aıasynda júzege asyrylatyn 375 joba sheńberinde 4 myńnan astam jumys orny qurylady. «Eńbek» baǵytyndaǵy bos jumys oryndary negizinde ashylatyn 57 221, sýbsıdııalanǵan 32 448 jumys oryndary boıynsha jumysshy mamandyqtarǵa basymdyq beriledi.
Aıta ketelik, bıyl oblysta ulttyq jobalar aıasynda 4 074 adamdy eńbekpen qamtý, bos jumys oryndaryna 57 221 adamdy joldaý, sýbsıdııalanatyn ýaqytsha jumys oryndary arqyly 45 086 azamatty jumyspen qamtý josparlanyp otyr. Jańa bıznes-ıdeıalardy iske asyrýǵa memlekettik grant qarajatymen 1 793 azamat qamtylmaq. Memleket basshysynyń «10 myń turǵynǵa 100 jańa jumys ornyn ashý» tapsyrmasy negizinde 22 595 jumys ornyn ashý mindettelgen.
Túrkistan oblysy