Erekshe shyǵarmalar kóńildi túrtpektep, júrekti qozǵaǵan shabyttan týsa kerek. Alaıda ol qaıdan, qalaı keletinin dóp basyp aıta almaımyz. Ár shyǵarmashylyq adamy ózinshe túısinedi. Árkimniń shabyt shaqyratyn óz tásili bar. Máselen, Harýkı Mýrakamı ónimdi jazý úshin tártipti jón sanaǵan.
Jazýshy kún saıyn tańǵy tórtte turyp, 10 km júgirgen ne 1, 5 km júzgen. Keıde ekeýine de úlgeretin. Tánin shyńdap, janyn qýattaǵan áserden soń bes-alty saǵat jumys istegen. Odan keıin kúni boıy kitap oqyp, erterek uıqyǵa jatqan. Osy rejimdi ustaǵan jazýshy «Men áserlený úshin óz-ózimdi tańǵaldyratyn ispen aınalysamyn», deıdi.