Inder aýdanynyń Kóktoǵaı aýyly turǵyndarynyń aıtýynsha, jylqy men sıyr jıi urlanady, dep jazady Egemen.kz.
Jaqynda aýyl turǵyndarynyń óristegi jylqylary urlanǵan. Máselen, 24 aqpanǵa qaraǵan túnde KamAZ kóligi Mahambet aýdanynyń aýmaǵynda toqtatylyp, odan 15 jylqy túsirilgen.
«Atyraý qalasynyń mańyndaǵy mal bazarynan meniń ıeligimdegi 6 jylqynyń terisi tabyldy. Teridegi tańbadan ózimniń jylqylarym ekenin tanydym», deıdi turǵynnyń biri.
Taǵy bir turǵynnyń 19 sıyry 2019 jyly urlanǵan. Sodan áli tabylmaǵan. Atyraý oblystyq polısııa departamenti krımınaldyq polısııa basqarmasy bastyǵynyń orynbasary, polısııa podkolkovnıgi Abaı Jumabaevtyń aıtýyna qaraǵanda, 28 jylqyny urlaǵan kúdikti ustalǵan.
«Polısııa departamentiniń qyzmetkerleri jedel-izdestirý sharalary kezinde Mahambet aýdanynyń aýmaǵynda 28 bas jylqyny urlady degen kúdikpen 45 jastaǵy er adamdy ustady. Qazir kúdikti qamaýǵa alyndy. Iri kólemde mal urlyǵy deregimen qylmystyq is tirkeldi. Keshendi tergeý amaldary bastaldy. Qylmysqa qatysty barlyq derek pen mán-jaı tekserilip jatyr. Aıǵaq zattar tárkilendi. О́zge aqparat tergeý múddesine sáıkes jarııalaýǵa jatpaıdy», dep málimdedi Abaı Jumabaev.