Búgin saǵat 17: 00 - 17: 30-da aýa raıynyń qolaısyzdyǵyna baılanysty BQO jáne Aqtóbe, Qyzylorda oblysynda joldar jabyldy, dep habarlaıdy Egemen.kz «QazAvtoJol» UQ» AQ-ǵa silteme jasap.
Aqtóbe oblysy:
«Aqtóbe-Qandyaǵash-Dossor-Atyraý-RF shekarasy» avtojolynyń 14-104 shaqyrym aralyǵynda (Aqtóbe qalasynan Qandyaǵash qalasyna deıin) júk jáne qoǵamdyq kólikterdiń qozǵalysyna shekteý qoıyldy.
Sondaı-aq, oblystaǵy «Aqtóbe - Oral - RF shekarasy» avtojolynyń 526-675 shaqyrym aralyǵynda (BQO shekarasy - Sarytoǵaı aýyly) jol jabyldy.
Batys Qazaqstan oblysy:«Aqtóbe - Oral - RF shekarasy» avtojolynyń 394-526 shaqyrym aralyǵynda (Jympıty aýyly - Aqtóbe oblysynyń shekarasy) kólik qozǵalysy shekteledi.
Qyzylorda oblysy:«RF shekarasy - Martók - Aqtóbe - Qarabutaq - Qyzylorda - Shymkent - Taraz - Qordaı - Almaty - Qorǵas - QHR shekarasy» avtojolynyń 1240-1362 shaqyrym aralyǵy (Aqtóbe oblysynyń shekarasy - Aral q.) jabyldy.
«QazAvtoJol» joldardy 2025 jylǵy 6 naýryz saǵat 08:00-de ashý josparlanyp otyrǵanyn málimdedi.