"Qazaqmys" korporasııasy qaza tapqan kenshilerdiń otbasylaryna qarjylyq qoldaý kórsetýdi jalǵastyrýda. Kompanııa marqumdardyń ekinshi deńgeıli bankter men mıkroqarjy uıymdaryndaǵy barlyq negizgi qaryzdaryn ótedi, dep jazady Egemen.kz.
Jalpy tólem somasy – 90 mln teńge. Buǵan deıin kompanııa ár otbasyǵa 10 jyldyq jalaqy mólsherinde ótemaqy (84 mln – 142 mln teńge aralyǵynda) jáne jerleý rásimine 550 AEK (2,2 mln teńge) kóleminde járdemaqy bergen.
"KM Life" saqtandyrý kompanııasy jerleý rásimine 100 AEK (460 myń teńge) tóledi. Sondaı-aq marqumdardyń balalary 23 jasqa tolǵanǵa deıin aı saıyn 524 myń – 921 myń teńge aralyǵynda asyraýshysynan aıyrylý boıynsha saqtandyrý tólemin alady. Bul tólemder jyl saıyn ınflıasııaǵa baılanysty ındeksteledi.
Qazirgi ýaqytta týystaryn jumysqa ornalastyrý jáne joǵarǵy oqý oryndarynda oqıtyn stýdentterdiń oqý aqysyn tóleý máselesi qarastyrylyp jatyr.
Búgin "Jomart" kenishindegi apatty tergeýdiń aldyn ala qorytyndylary qaraldy. Sonymen qatar, Ulytaý oblysynyń ákimi Dastan Ryspekov Prezıdent Qasym-Jomart Toqaevqa shahterlerdiń otbasylaryna kórsetilip jatqan kómek týraly baıandady.