12 naýryzdaǵy jaǵdaı boıynsha salyq tóleýshiler qosymsha eseptilik nysandaryn tapsyryp, salyqtaryn tolyqtyryp jatyr. Qazirgi tańda 17 mlrd teńge tólengen, onyń ishinde BI Group jáne BAZIS kompanııalary da óz tólemderin júzege asyrdy, dep habarlaıdy Egemen.kz Qarjy mınıstrliginiń baspasóz qyzmetine silteme jasap.
Aıta keteıik, Memlekettik kirister komıteti jalpyǵa birdeı belgilengen salyq salý rejıminde jumys isteıtin jáne jeke kásipkerlermen ózara esep aıyrysý arqyly salyqtyq mindettemelerin ońtaılandyratyn salyq tóleýshilerdi ákimshilendirýdi jalǵastyryp jatyr.
«Taldaý qorytyndysy boıynsha 633 salyq tóleýshige, onyń ishinde 172 qurylys salasynda (iri qurylys kompanııalaryn qosa alǵanda), 102 saýda jáne basqa da qyzmet túrlerimen aınalysatyn kompanııalarǵa salyq salynatyn kiristerin tómendetý belgileri boıynsha habarlamalar jiberildi», delingen habarlamada.
Budan bólek, birqatar iri qurylys kompanııalary qarjylyq aǵyndardyń ashyqtyǵy men qurylys salasyndaǵy kóleńkeli shemalardy joıý úshin sıfrlyq sheshimderdi ázirleýge jáne qarjylandyrýǵa bastamashylyq bildirgen.