Almaty oblysyndaǵy esirtki qylmysyna qarsy is-qımyl bóliniciniń qyzmetkerleri quramynda esirtkisi bar ósimdikterdi zańsyz ósirýmen aınalysatyn qylmystyq toptyń qyzmetin toqtatty, dep habarlaıdy Egemen.kz.
Arnaıy operasııa barysynda úsh adam ustaldy. Jalǵa alǵan úıdiń aýmaǵynda júrgizilgen tintý nátıjesinde qarasora ósirýge arnalǵan aýdany 10 sotyq jylyjaı tabyldy. Tárkilengen esirtkiniń jalpy salmaǵy 900 kılogramdy qurady. Kúdiktiler ustalyp, ýaqytsha ustaý ızolıatoryna qamaldy.
«2025 jyldyń basynan bastap zańsyz aınalymnan eki tonnadan astam esirtki, onyń ishinde 120 kg sıntetıkalyq esirtki, 600 gramm kokaın jáne 140 kg-nan astam gashısh tárkilendi. Esirtkiniń zańsyz aınalymyna qatysty qylmystardy anyqtaý jáne jolyn kesý jumystary jalǵasyp jatyr», dedi IIM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.