Polsha quqyq qorǵaý organdary adam aǵzalaryn zańsyz saýdalaýmen aınalysqan halyqaralyq qylmystyq toptyń qyzmetine qatysy bar degen kúdikpen 35 jastaǵy Qazaqstan azamatyn ustady, dep habarlaıdy Egemen.kz Polisia.kz-ke silteme jasap.
QR Ishki ister mınıstrliginiń Interpol Ulttyq ortalyq bıýrosynyń suranysy boıynsha áıel Ýkraına-Polsha shekarasyndaǵy temirjol ótkizý pýnktinde ustalǵan. Ol 2020 jyldan beri halyqaralyq izdeýde bolǵan.
Tergeý málimetterine sáıkes, 2017-2018 jyldary qylmystyq top Qazaqstandaǵy medısınalyq mekemelerde zańsyz transplantasııa operasııalaryn uıymdastyrǵan. Bul zańsyz áreketterge Izraıl, Ýkraına, Qyrǵyzstan, Tájikstan jáne О́zbekstan azamattary da tartylǵan.
Kúdikti donorlar men resıpıentterdi qabyldaý, olardyń medısınalyq tekseristen ótýin uıymdastyrý, shyǵyndardy óteý jáne qupııalylyqty saqtaý jumystarymen aınalysqan. Sondaı-aq donorlarǵa resıpıenttermen týystyq baılanystary týraly jalǵan aqparatty jattatqyzǵan.
Qazirgi ýaqytta kúdiktini elge ekstradısııalaý máselesi qarastyrylyp, tergeý amaldary jalǵasyp jatyr.