Naýryznama onkúndiginde 16 naýryz otbasylyq qundylyqtardy dáripteýge arnalǵan. Shańyraq otbasynyń turaqtylyǵy men urpaqtyń jalǵasýynyń sımvoly, dep jazady Egemen.kz aqparat agenttigi.
Statıstıkalyq málimetterge toqtalsaq. Byltyr Qazaqstanda 123,6 myń neke tirkeldi, bul 2023 jylmen salystyrǵanda 2,2%-ǵa artyq. Ortasha neke jasy: erler – 27,9 jas, áıelder ¬– 25,2 jas. Eń kóp neke shilde aıynda tirkelgen – 13 739.
Otbasy – bul ár adamnyń ómirindegi basty qundylyq, kúsh, qýat, jaqsylyq, úılesimdilik kózi. Qazaq halqy otbasynyń adam ómirindegi mańyzdylyǵyn, onyń bilim berýdegi jáne bolashaq urpaqty tárbıeleýdegi rólin tereń túsingen. «Januıasyz adam – jemissiz aǵash», «Balanyń bas ustazy – ata-anasy», «Otbasynyń sáni – syılastyq», «Ata – asqar taý, ana – baýyryńdaǵy bulaq, bala – jaǵasyndaǵy quraq», «Atasyz úı – batasyz, anasyz úı – panasyz» degen maqaldyń ózi sonyń aıǵaǵy.