Prezıdent Qasym-Jomart Toqaevtyń Ulttyq quryltaıdyń tórtinshi otyrysynda Abaı ınstıtýtynyń kókjıegi kórkem bolýy týraly aıtqan oıy sýbstansııalyq mánimen erekshe. Ǵulama oıshyl, klassık aqyn, hakim Abaıdy tanýymyz – ózimizdi tanyǵanymyz. Abaı sóziniń órisi keń. «Adamzattyń bárin súı, baýyrym dep...» degen aqyn danalyǵy – adamzatqa ortaq baılyq.
Memleket basshysy «Abaı jáne HHI ǵasyrdaǵy Qazaqstan» atty irgeli maqalasynda: «Abaıdyń Jıdebaı-Bórili» memlekettik qoryq-mýzeıine erekshe kóńil bólip, ǵylymı-tanymdyq jumystarmen aınalysatyn ortalyqqa aınaldyrý kerek», dep atap aıtqan edi. Abaıdyń 175 jyldyq mereıtoıy aıasynda Semeıdegi «Abaıdyń «Jıdebaı-Bórili» memlekettik tarıhı-mádenı jáne ádebı-mádenı qoryq-mýzeıi» halyqaralyq talapqa saı jańǵyryp, Prezıdent ózi kelip ashqan bolatyn.
Sol tanysý barysynda hakim Abaıdyń mýzeıin halyqaralyq deńgeıde, onyń ishinde túrki dúnıesi aıasynda nasıhattaý týraly erekshe suhbat bolǵan edi. Sonyń nátıjesinde Memleket basshysynyń О́zbekstan Respýblıkasyna saparymen oraılastyryp, Abaı mýzeıiniń kórmesin Tashkent qalasyna apardyq. Týysqan eldiń Abaıǵa, onyń shyǵarmashylyǵyna qurmeti erekshe boldy. Abaı jyly О́zbekstan Respýblıkasynyń barlyq óńirinde qurmetpen atalyp ótti.
Sondyqtan, Abaı ınstıtýtynyń órisin keńeıtip, hakimniń danalyq murasyn halyqaralyq deńgeıde nasıhattaý ıdeıasy eldigimizdiń jańa sapasyn aıqyndaıdy dep bilemin. Hakim Abaı arqyly qazaqtyń oıshyldyǵy men mádenıeti shartarapqa jol tartsa, nur ústine nur bolmaq.
Turdyqul ShAŃBAI,
Qazaqstannyń eńbek sińirgen qaıratkeri, ádebıettanýshy-fılosof