Tarıhtan biletinimizdeı alashtyń aıboz ánshileri men daýylpaz kúıshileri toı-dýmannyń kórigi – jármeńkelerde shyǵarmalaryn áýelete oryndaıtyn bolǵan. Dala sahnasy sanalǵan jármeńkelerde ónerpazdar jańa shyǵarmasyn elge oryndap, túrli óner saıystaryna túsedi desedi. Búgingi kúnde de ol dástúr úzilgen joq.
Ulystyń uly kúnine oraı 20-21 naýryz kúnderi Roza Baǵlanova atyndaǵy «Qazaqkonsert» memlekettik akademııalyq konserttik uıymy «Bizdiń jármeńke» – ulttyq óner merekesin uıymdastyrady.
Qazaqkonserttiń «Halyq qazynasy» ulttyq óner ortalyǵy kórermen nazaryna Qoıandy, Kókjar, Qaraótkel syndy taǵylymy mol tarıhı jármeńkelerdi jańǵyrtqan, dástúrli ónerdiń barlyq tustaryn qamtyǵan jańa formattaǵy dýmandy kesh usynady.
Konserttiń jańalyǵy – buryn-sońdy oryndalmaǵan 30-ǵa jýyq halyq ánderi shyrqalmaqshy.
Án-kúı dýmanyna Janǵalı Júzbaı, Aıgúl Elshibaeva, Medet Salyq, Klara Tólenbaeva, Erbolat Shaldybekov syndy ónerpazdar qatysady.